لا تسألوني ياهلي ليش مانمت // نامو وخلوني ترى البال محتار ...
محتاج للوحده ومحتاج للصمت //
خلوني اقضي طول ليلي بالافكار
لا تسألوني ياهلي ليش مانمت //
نامو وخلوني ترى البال محتار
اخاف تذرف دمعتي لا تكلمت //
اخاف تكشف دمعتي كل الاسرار
قاسيت لوعات الليالي وقاومت //
وانا احسب اٍني بتصدى للاقدار
قاومت لاكني للاقدار سلمت //
غصب عليّه ياهلي دون لاختار
عايش مع الاحزان اٍن نمت وان قمت //
تلعبي الافكار في كل معبار
اٍن نمت بأحزان الليالي تحلمت //
وان قمت كملنا مع الهم مشوار
صبرت صبر ايوب حتى تحطمت //
هذا وانا صابر على كل ماصار
يالله ياللي بكل شيءٍ تحكمت //
رحمتك يامنجي من النار الابرار
تجلي همومٍ من سببها تألمت //
واٍلا تسلمني لقصاف الاعمار